🧡【灣仔長期有人龍嘅自家製鮮墨丸/牛腩粉麵！】返工必食！
-
富記最特別嘅就係本地生牛肉河粉、自家打墨魚丸、牛腩、自家酥炸魚皮，墨魚丸除咗普通白色嘅墨魚丸之外仲有黑色撈咗鮮墨魚汁落去嘅墨魚丸，不過午市真係要早啲嚟，唔係好快就會賣晒喇🥲。
-
《牛腩米線 $40》拼清湯款，牛腩份量多，炆得入味軟腍，牛味濃郁，仲連住少少牛脂肪，入口好香～正啊，米線夠滑夠爽彈，好乾爽，成碗湯都無咩油浮起，食完成碗覺得好幸福。
《鮮蝦雲吞河粉$35》雲吞大大粒，份量都好多吓，有成5粒，好似乒乓波咁大，裏面都有唔少蝦肉，爽口彈牙，配埋清湯河粉都幾好味～
-
富記麵家
灣仔灣仔道177-179號保和大廈地下6號舖
電話：3689 9515
Search